بعد كده نحطه في مصفي علشان نفصل العصير اللي نزل عن القرع
و بعدين نعمل الباشاميل
نحط السمن عليالنار و لما يسخن نحط الدقيق و نقلب لحد ما يبدأ ياخد لون ذهبي فاااتح و بعدين نحط 2 كوب من العصير اللي نزل من القرع و نقلب بسرعة كويس علشان ما يكلكعش و بعدين نحطكوب اللبن و عليه الفانيليا و نفضل نقلب لحد ما يغلظ قوامه و يكون زي قوام الباشاميل
و كده الباشاميل خلصت
ندخل بأه علي صينية القرع شخصياً
نجيب الصينية
و ندهنها سمن او زيت زي ما تحبو
بس انا بعمل كل حاجة بالسمن البلدي
و بعدين نجيب البقسماط اللي بنعمل بيه البفتيك و نبطن بيه الصينية
(يعني نرش رشة في الصينية علي السمن او الزيت لحد ما يغطي كل اطراف الصينية و قعرها كمان)
و نحط نصف القرع العسلي اللي عملناه
و نحط الكسرات المحمصة و جوز الهند المبشور
و نحط الطبقة التانية باقي القرع العسلي كله
و نحط علي الوش الباشاميل اللي عملناه
و في الاخر بأه علي الوش نرش رشة قرفة تدي لون و ريحة جنااان
علي فكرة في ناس بتحط نصف كمية الباشاميل تحت خالص قبل القرع في الصينية و النصف الباقي علي الوش
(ممكن تعملي كده عادي)
بس كده خلاص خلصنا
نحط الصينية في الفرن بأه لحد ما جنابها و وشها يحمر
**** 
**** 
**** 
**** 
الأحد أغسطس 29, 2010 6:51 pm
