كل نقطة دم نزلت منى هتسيب علامة
عشان كل ماتشوفها تفتكرنى لحد يوم القيامة
وتفتكر اللى عملته فيّا
بمؤامرة خسيسة وجبانة
غلطان لما افتكرت إنك ضمنت سكوتى
بقتلك ليّا ده حتى بعد موتى
هتفضل سامع كلامى فى ودانك
رايح جى يتردد بصدى صوتى
هتفضل صورتى ف خيالك فين ماتروح
وهتدعيلى وتدعى عليك ألف مليون روح
هتقولى ربنا يغفرلك ويرحمك
وهتقولك ينتقم منك ربنا يا ظالم روح
هيكتبونى ف السجلات ميت ولكن
هفضل عايش ف قلوب الناس وساكن
وهيتعملى نصب تذكارى ذكرى لأسمى
أنا واللى ماتوا فى كتير أماكن
غلطان إن كنت فاكر اللى عملته زمان
واللى عملته فيّا النهارده كمان
هيعدى ويفوت من غير حساب
ده كل شىء مكتوب وكما تدين تدان.
**** 
**** 
**** 
**** 
الإثنين فبراير 06, 2012 11:26 pm